今朝一覺醒來，發現嘴唇上生左6粒野，個下唇腫晒
嚇到我死，又痛喎！平時如果生唇瘡都無可能一次過生6粒啦！
於是我即刻換衫去樓下睇平時睇開個醫生，點知十分多人
平時睇開個女醫生又要下午先係度，我咁焦急都等唔切
咁唯有睇同一間診所既另一個男醫生啦
佢叫做李小龍醫生，我見個名咁威武，咪睇囉
等等下就有個男病人無啦啦係診所鬧事，係咁鬧個男醫生！

我：醫生，我個嘴唇咩事啊？
醫生：話，d瘡好似成隊士兵排晒隊咁喎      (形容得好生動)
醫生：呢d應該係皰疹！即是d過濾性病毒囉
我：咁我點解無lala會生架呢？我平時最多生飛滋架咋喎
醫生：中國人的角度，時運低就會生呢d架野架啦    
(此時我更加迷惘.......心諗7月14都過左啦)
我：咁我又唔信呢d野既......即是點解會咁呢？
醫生：好似水豆咁，一生人總會生一次架     (其實佢都仲未答到我)
我：係架，咁又會依家生既？
醫生：其實主要係因為抵抗力差，或者有壓力、唔夠訓果排就會生架啦！ (其實佢一早講我就明囉)
我：咁我抵抗力好差啊呢排？
醫生：都是時運低囉，避免唔到！   (佢再一次認真地強調)
我：
醫生：頭先你見唔見門口有個男人鬧我啊？
我：係啊！
醫生：我無啦啦俾人鬧，我都時運低架，可能我都就生皰疹架啦！
我：哈哈哈哈哈哈   (冷笑中)

希望聽朝一覺醒來就會好返啦！好肉酸啦六星連珠！

過埋呢個星期就完晒我今個暑假的暑期活動啦
其實今個暑假唔洗出咁多outing真是舒服好多
流感關係+ syp撥款少左，覺得今個暑假少左活動
我今個暑假一個overnight camp都唔洗去~~
中心指引又唔借得玩具同電腦，其實d小朋友都好悶
所以晚晚8:30佢地都準時落黎叫我們開電視
因為佢地要睇王老虎搶親.......首主題曲
然後不斷唱~~~~唱完之後，其實佢地都無睇落去......
之後又在中心遊遊盪盪涼冷氣，哈哈
雖然programme少左，但是paper work+埋數工作就依然多
我的holiday mood可能仲未散，productivity好低~
唉！見到日日facebook都咁多人去完旅行d相，我又好想去旅行啦~~~~~

很感恩，之前的祈禱都應許了
細佬終於找到工作了，還要是他喜愛的工作
自己的工作又會有新的方向
雖然可能會更加的忙，但畢竟也是高興的事
先求祂的國和祂的義
其他的東西原來真的不需要擔心的

17-6-09
今朝一早起身我們就出發去前日去唔到的愛丁堡城堡！一出門又大風大雨，仲吹爛晒把遮，超級狼狽！去了附近的一個格仔製造廠，幾有趣，有好多格仔紀念品，不過好貴囉！之後入到去城堡，覺得其實無咩特別！加上又有雨又大風，我們都無咩興致再行，影左幾張相就走人！臨走見到一班人join 左local tour黎castle撞到落大雨，我們先更加覺得尋日我們的highland local tour有咁好天氣真是好感恩啊！

之後我們就去internet bar上網 print今日要搭的easybus ticket，還收到我阿爸好搞笑的email~~哈哈！跟住我們就離開愛丁堡返london啦！在車上聽了很多歌，發現<沙龍>好適合在搭車的時候聽(其實咩時候我都覺得岩聽) ！3點幾左右到左kingcross站，我們去找harry potter的9 3/4月台！因為車站裝修，所以車站為左唔令黎找月台的人失望，將個月台搬左去另一度比人影相，真是user-friendly！

之後我們就搭去victoria 站，為要放低d行李，一個人比成8磅，勁肉赤，但是都要咁做！因為我們跟住要去大英博物館！入去行左一陣，其實興趣唔算好大，我最熟悉都算係個復活島像，覺得佢好cute！睇左一陣就發現5:30左右部份展館就會close，我們都無咩想睇，叫做到此一遊咁啦！

之後就去左burger king，叫做好豪架啦！每人食左個餐4.65磅！餐廳裡面有班咸濕仔公然係度睇咸濕雜誌邊睇邊笑，真是世風日下，我們都好想行過去鬧佢！
然後我們就去左oxford circus行街，都幾多野賣，買了想買的東西，十分好！

好快我們就返左去victoria 站取回行李，其實都唔係放低左好耐！之後去等搭easybus去stansted 機場！個接駁巴delay左20分鐘！到左夜晚9:50終於到左stansted機場，這是個內陸機的機場，我們今晚就要係度訓！我們首先行個圈睇下咩環境，有咩鋪頭等等！點知行完發現d座位比人坐晒咁濟，d人仲有成副訓覺的裝備，好pro！我們找左好耐先找到4個位可以訓！點知訓對面的外籍男人鼻鼾聲超級大，唔怪得當初呢到無人坐，哈哈！我都唔係好訓得著，腰骨又痛！

18-6-09
其實訓到3:00左右就起身預備check in！好眼訓！ryanair 上飛機好嚴厲，check好耐，elsa同clara仲要除鞋！上到機個幾2個鐘就到意大利啦，等我們仲估有無野食，其實d staff 都無咩野做！去到italy的過關十分之hea，等行李就行左好耐！一出機場就覺得十分之極度晒同熱，成34 度！之後我地就搭機場巴去返羅馬市中心！

去到羅馬的termini 站我們就去果間訂了房的OVERSEAS B&B ，守衛好深嚴，還有古舊的LIFT，STAFF很NICE，房間也很好！我們換衫梳洗之後就出發，不過我們仍然很肚餓同疲倦，去到M記覺得好貴，所以去左隔離平少少果間唔記得咩名度買包同汽水，個STAFF唔明我們講咩，搞左好耐！不過呢度無得坐，我們又好疲累喎，就衰衰咁行左上M記度食！食左個煙肉擦膠包，救命！！後來我們比M記的STAFF話(其實唔知道佢UP咩，哈哈) 之後我們都快快食完走！

我們買了ONE DAY PASS同水就出發我們的羅馬啦！一黎到意大利我們都份外小心我們的財物，！意大利的地鐵叫METRO ，十分之舊、熱同埋侷，到處都是塗鴉！去到COLOSSEO站，即是羅馬鬥獸場的地方！因為睇得衝上雲霄太多，一直都好想黎呢度，見到鬥獸場的感覺都是覺得好宏偉好靚既，但同想象中又有D差別咁囉！！不過我們依然狂影不同的角度！到處都是賣遮賣帽的人，因為實在太過酷熱！之後我們去了附近的君士坦丁門同廢墟，大家都因為本身都很累，加上熱得太犀利，D水又飲晒啦喎，所以都無咩心機行！CLARA仲出現了DD熱衰竭的徵狀，嘉琪都好辛苦啊！可能我寒底，所以無咁怕熱先無咩事！我們都坐下休息下同去買水補充，抖左陣大家都無咩事就繼續行！經過了幾靚的威尼斯廣場之後入左一間MUSUEM 到去廁所、涼冷氣同買紀念品，哈哈！

跟住我們跟旅遊書找真實之口，找了很耐都找唔到，其實唔知點解我們都不放棄！後來終於找到，其實個真實之口真是好無聊，話你伸隻手入去佢個口，講大話的人會比佢咬住！其實旺角中心都有架，哈哈哈哈！我們笑左好耐！剛巧有個團都黎呢度，有好多人排隊同真實之口影相，有個小妹妹唔知係咪成日講大話，驚到唔敢放隻手入去，仲喊TIM啊！哈哈哈哈！入面的GIFT SHOP都是賣真實之口的商品，十分無聊搞笑，我們仲影左好多無聊相！

之後我們搭去BARBARLINI站去我另一好期待的衝上雲霄景點-許願泉！落車之後都找左好耐啊！反而找到另外二個蜜蜂泉同海神泉，蜜蜂泉仲要係馬路邊我們好偶然咁發現！終於找到許願泉，好靚靚靚啊！白色的雕塑綠色的泉水！我們影左好多相，好靚啊！不過四圍都好多人，我們好不容易先迫到去池邊影相咋！我們本來想照傳統掉錢去許願，不過D EURO咁貴唔捨得，哈哈！CLARA仲打算掉港幣添！之後行到又累又熱我們就去食雪糕，好CREAMY好好味好多選擇！連D雪糕筒都好靚！好歎啊！吃雪糕的感覺真好！

跟住我們去左西班牙廣場，又是衝上雲霄景點啊！到處都有好多人聚集，十分熱鬧！我們影影下相有個人行埋黎裝CLARA部相機D相喎，我們當然即刻彈開啦！附近亦都有D噴泉、馬車，好靚！之後我們就去搭METRO返B&B ，回程在地鐵站上錯電梯，行左唔少冤枉路啊！返到去本來想去INTERNET BAR但是我們又好肚餓喎，B&B的STAFF推介我們去食一間中國餐，有豬耳、通菜、牛肉排骨麵食，好滿足，都是食左16 EURO咋！回到B& B個花灑時冷時熱，唯有好快咁沖涼洗頭就算！

19-6-09
一早起身有豐富的早餐吃，有朱古力包多士橙汁同朱古力！之後我們買完ONE DAY PASS就搭地鐵去梵蒂岡啦！其實係好近架咋！VATICAN CITY係一個獨立的國家，有圍欄圍住的！呢度唔比人著短褲背心入去，好多人都求其加條巾就入去。

我們去到St peter plaza，好宏偉啊！clara同嘉琪睇左<天使與魔鬼>就更加投入呢度的景點！我們首先入去個church，d裝飾好靚！d泉水仲好清甜！我們入左去間gift shop到睇左好耐！之後就係附近坐底寫postcard，因為呢度的stamp同郵chop都唔同的！仲去左一處地方係歷來教宗的墳墓！呢

度連d guard同士兵都好靚仔，我們當然影左相啦！寫完就行去郵局寄postcard，呢度d郵票同首日封都好靚，我們都買左d留念！寄完之後行行下行出左去，打算入返去的時候發現好多人排隊，我們打算行完其他景點先入返去啦！

之後我們的雪糕癮又起，又去左食雪糕，呢度大杯過尋日，不過lemon味就好酸啦！食完我們就去聖天使城堡，附近有好多好靚的天使像！我們影左好耐相啊！呢度的有好多扮成唔同人物的人，我覺得佢地好熱囉！行完打算返返入church排隊，排左半個鐘左右，又熱又晒！之後有人行黎同我們講原來要有飛先入去，黎緊會有特別活動！無飛的我們唯有無奈的離去，所以以後排隊真是要清楚排咩先好啊！！！

跟住我們搭返spagna 因為elsa要幫朋友買LV，其實都好抵買喎，計埋退稅平過HK好多啊！果度成條名店街，周圍都是有錢的中國人啊！之後我們行左一間CHURCH同埋食PIZZA，佢地覺得我們四個人都食咁少好奇怪，仲黑面添！食完經過很多店鋪都有得意的意粉賣！之後我們搭巴士去萬神殿，呢度D巴士無人DO 飛架喎，真是奇怪！我們係巴士度仲遇到一個疑似不懷好意的阿叔，我們都好小心！！落車之後一路監視住佢，哈哈！去到萬神殿，其實除左上面有個大窿之外都無咩特別，我係度諗落雨會點呢？咪裡面都濕晒囉！無耐就關門我們就要離去啦！然後去埋拿佛納廣場，果度有好多人賣畫，好靚架！睇下D畫就好似去左museum咁！行晒是日景點之後我們就食m記醫肚，呢度d餐係賣 5.7 euro架！！！！吃飽之後就返B&B附近的INTERNET BAR上網，今晚沖涼竟然又無熱水！唉！

20-6-09
早上個GIP又吸唔埋，我搞左好耐，又要麻煩我的團友仔幫手，個GIP真是激死我！仲搞到遲左出門口！去到火車站，張飛的資料寫3號月台，問D STAFF又話2號，搞到我們幾驚上錯車啊！上到車又無位放GIP…. 好彩我有大力團友仔幫手咋！其實搭左無耐就到FLORENCE，因為我聽得到FIRENZE呢個意大利名，佢地就話我係意大利人啦！哈哈！到達火車站就打電話CALL 民宿負責人，我聽她的普通話<黑色報亭>聽得幾辛苦啊！無幾耐就有人黎接我們啦！去到民宿，負責人好好的教我們點行，連邊到有免費廁所都話我們知啊！仲有得免費上網啊！幾正啊！

第一站去到ST MARY CHURCH，教堂的裝飾花紋好靚！之後就左著名的聖母百花大教堂，好靚好GRAND啊！有令人嘩一聲的感覺啊！！不過入到去就唔太特別，得個地板靚囉！第三個景點就是經過的但丁教堂，之後我們又被周圍都有的雪糕店引誘，不過由於價錢比較貴，我們都忍口唔食住！去左食飽肚的PIZZA！好好味！
然後去左領主廣場，果度有個假的大衛像，有人彈結他賣藝、到處也是擺賣的攤檔！行行下去左PONTE木橋啦，幾靚但係顏色沒相片咁SHARP囉！周圍都有TVB字的噴漆，好搞笑！這裡又是衝上雲霄的景點來啊！哈哈！沿路風景好靚，令人感覺好悠閑好舒服，唔洗好似ROME咁趕！仲見到好多人扣d鎖係橋度添！

然後我們行上去PLAZA MICHAELANGELO，很斜很多梯級！行左好多路終於到左！好興奮啊！呢到又是衝上雲霄的景點，阿belle就係係呢度的 coffee shop 頂替朋友做waitress見到Sam哥架啦！呢度可以望晒成個florence全景，好好好靚啊！呢度有好多木偶的紀念品賣，周圍都好靚好舒服，感覺十分之好，令人不捨得離去啊！仲見到有人係度影結婚相啊！

行返落木橋，裡面好多金鋪同紀念品店，我們行下行下黎到一個廣場！廣場好多鴿，我們坐係度睇住d小朋友同鴿玩，幾有趣！果度有一個嘴唇的雕塑，好多人都圍住影相！我們仲幫左2個中國女仔影相！阿sa話呢二個女仔會唔會就是我們hostel 淨返2個床位的人呢！

之後在街度仲見到有些兵步操，就是之前係廣場見到綵排的那班！行行下又去到一個廣場，見到一個好靚的旋轉木馬！之後返到hostel ，果然就如阿sa所料，那二個床位就是那二個中國女仔了，真有趣！食飯時間，有薯仔、雜豆、腩肉、泡菜吃，好滿足，我都食左好多飯！吃完飯我們想返木橋度睇日落，不過今晚的天氣麻麻，好多雲，雖然睇唔到日落，不過景色都好靚！街頭表演唱歌的人也唱得好好聽，仲有cd賣！我們又撞到一堆香港人，佢地仲走埋黎同我們傾計！回程路上見到florence既馬拉松啊！好多人圍觀，我地都幾好彩咁都遇到！之後我們當然狂上網啦，因為免費啊嘛！

前言：
今次旅行之所以可以成行真是好感恩！首先四個同事都可以一齊放假已經唔容易，仲要大家都有咁多假，加上維珍有咁優惠的$3389連雜費機票，再加上我們系最後一小時都BOOK到！傾旅行的過程都系好開心，BOOK火車飛內陸機雖然比較麻煩，但是睇人地的遊記相、傾行程、BOOK房都是好好玩，尤其系睇BOOK HOSTEL，真是好好笑！

10-6-09
生日搭飛機真是第一次，唔系我專登揀架，系得返呢日有優惠！多謝大家的生日祝福同去旅行好有用的生日禮物！

我們搭二點機，一去到機場我先知我個GIP比起佢地真是好細！其實我出發時已經FULL FULL地！我們入閘見到大家樂都好興奮，因為睇怕黎緊14日都未必有飯食，所以大家都食得好開心！之後發生左搞笑的水樽事件同相機事件！哈哈！我們去埋廁所出黎原來已經最後召集上機，差D要比人叫名！

上機之後就展開我們的悠長飛機程，飛機上無咩港產片睇，所以只好玩D 無聊 GAME，HANGMAN同百萬富翁都玩一餐！好彩連SIR送左副紙麻雀過我們，唔打返圈真是悶死我們！只腳又累！我們不斷睇個SKY MAP倒數住幾時到！

大概英國時間晚上8:00終於到左HEATHROW 機場，我們落機之後就見到地鐵真是罷工，雖然一早都知！之後我們就搭LONDON CONNECT去市中心，好快就去到PADDINGTON站，之後我們拖住個GIP去找巴士搭，點知去到先發現我們無散紙去入錢買飛，我們又無得買OYSTER CARD住喎，我同嘉琪唯有落返去唱錢，阿SA同CLARA就睇住D行李囉！到左CAMDEN TOWN我們就落車找間HOSTEL ，HOSTEL WORLD又話LOCATION 有90幾分，找左好耐先找到囉！其實間房都幾OK既，但是一入到TOILET就呆左，迫得好緊要，沖涼=焗桑拿，個水喉又細喎！SETTLE之後我們就打左成3磅LOCAL CALL比SHIRLEY！夜晚，可能因為JET LAG關係，我成4:00先訓得著啊！真是慘！因著時差的關係，今年的6月10日系特別長既！！


11-6-09
早上在HOSTEL吃早餐，一起身涼左好多！之後一出HOSTEL我們就周圍影相、花同巴士都影一餐！今日PLAN 左去大笨鐘果邊，因為UNDERGROUND只作有限度服務，STAFF建議我們早個站落行過去，仲話沿路景色好靚TIM…..行行下就見到LONDON EYE，可能特別鐘意摩天輪，加上天色好得好緊要，當然狂影相！跟住再行前D就見到大笨鐘，不過附近又多人又迫，都無咩心情影相！之後我們就要趕系12:00度去白金漢宮睇換兵，真是完全疾走先趕得切！好彩去到剛剛睇到，都幾得意既！

之後我們就在附近影下相，慢慢行去海德公園！去到食左熱狗飲汽水，周圍都好多鳥類，嘉琪十分之懼怕，超搞笑！HYDE PARK都幾舒服，周圍都好多花，全部都好似特別靚既咁，大家仲教左我好多拍攝技巧！還有一系列的草地照及格仔巾照，哈哈！慢慢行去湖邊，有好多鴨仔啊，成個感覺都好寫意！

因為HYDE PARK近HARRODS，我們就行去啦！去到大家都好高興咁不斷購物，個心真是好矛盾，如果第一日就買得咁多一定會拎足咁多日，如果最後一日去機場先買又會無咁多款喎！最後我們都是唔理得咁多，買左先算！最重就是買左5個袋同一堆果醬，真是十分之重！！！HARRODS呢個行程足足超出我們的預計時間！本來打算之後去2個MUSUEM行下，點知有個已經關門，所以最後只是行下個VICTORIA & ALBERT MUSUEM ，其實D展品都幾靚既，不過佢都是趕收工，行左一陣我們就要走啦！

本來想返去西敏寺，但是我們約左住係英國的SHIRLEY吃飯，所以就打算遲D先去！我們去JOIN SHIRLEY的過程中，要搭巴士，個架14號紋左身的巴士司機真是好衰！(我地完全好認得佢)事源當日地鐵罷工已經多左人搭巴士，我們見到巴士入便有空位的，咪迫上車DO OYSTER咭囉！點知DO完司機先話我們過左條司機界線，叫我們落車！入面D乘客又唔知搞咩唔行入D喎，只是擺出一副好似已經盡曬力咁的樣！呢層我們明白，呢度唔系香港，唔系個個都慣擠公車既！但是個司機唔得囉，我們咪同佢講如果系迫到唔上得既就唔好眼見我們4個逐個DO曬先出聲啦！佢伸曬手得得戚咁的樣真是想打巴佢！我們唯有無奈的下車！同時也到邊等車邊發洩我們不滿的情緒，哈哈！之後到左china town join shirley，她帶我們去左piccadilly circus同covent garden 行下，然後就去左食中餐，我即刻叫左碗叉鴨河，幾咁高興！我們坐左勁耐，因為太耐無見shirley，傾左好耐計！附近有很多souvenir shop ，不過d紀念品就唔多得，太多頹貨！之後我們搭返巴士返hostel 同埋比我們的香港手信-公仔面 shirley，以解她相思之苦！


12-6-09
一早起身就要搭underground去paddington轉火車過oxford ，點知我們踏錯線，結果10:22開的班車我們成10:15到先去到！仲要好迷惘地找不到呢個platform上車，因為沒有寫著去oxford的！d職員又答得好求其咁，結果再問多個人先知去hereford的車係經oxford的！搞到我們幾惶恐！

去到oxford 我們都估計無可能行晒，因為我們訂了4點幾的回程火車！所以我們行了一些紀念品店，買左d oxford tee 比細佬交差，都幾靚！之後就去食lunch(食pizza)  ！行左去st mary church ，建築都幾靚！之後就比左 6磅入呢個christ college 啦！首先入去個harry potter 電影入面的dining hall，好大亦都好多人！無咩太大的特別，無想象中咁靚！之後去左個cathedral，幾靚！最難忘就是去左個一大片草地( 唔記得左叫咩) ，咁樣先似係大學架嘛！，好有校園的氣氛！

我們又再狂影相啦！仲同埋一個好英國紳士型的職員影相！原來咁就差唔多夠鐘要去搭火車返london啦！返到paddington 站果然有很多paddington東西賣！之後我們就去返尋日無去到的西敏寺影下相！途中我們去左同附近的2個警察影相，佢地都幾型架，仲話自己去過灣仔，好搞笑！西敏寺都幾靚！我們發現自拍仲好過人地幫我們影，果度d人攝影技巧好差，成日都淨係影人唔影景！

我們之後又好急咁食三文治，事關我們又要趕去leicester square 到睇show！因為發現d路牌好似錯在，我地又行左好耐！行到去都差不多開始！呢個show叫STOMP，類似係D用不同用具去敲擊出D音樂，例如SINK盤、地拖、身體不同部份咁！其實本來想睇D MUSICAL，不過怕聽唔明+ SHIRLEY 推介我們睇呢個！其實都幾得意同埋interactive 既！我覺得無線個d 大show都是抄人既！本來我呢幾日去到夜晚7-8點就會眼訓，所以睇睇下都好辛苦咁打開隻眼！睇完就返hostel，個爐原來用唔到，我們唯有叮公仔麵食啦！晚上仲比左50 p去上左15分鐘網！